SABA PARBALAN JAMBUR

Satiop mulak au tukampung, ayah dohot umak mangaduon sude nadisimpan ni rohana nalai saleleng au inda disi, mula ubege nasodong epeng ditanganna sasa minggu, manetek tubagsan ma ilu nimaton, matobang ma baya alak ayah dohot umak lek naso unjung dope marasoi nasonang. bope au mangaranti, hum nalopes jau sajo dope, manombo pala mulak au sian sidimpuan tujambur mangido ongkos dope tu umak anso bisa mulak tusidimpuan, obanma dahanon marsatabung songon waktu pesantreni, martamba doras do boto ilu nimataon madabu tubagasan.

nasadari waktu disaba au dohot umak, pas maradian di kotu niari get sumbaang luhur, manjawek ma umak di aek lupak nisabai, baru ro tu sopo manopotkon au nabaru sampe sian sidimpuan, ujalang ma u umma tangan dohot pipi niumak namuap bustak, sonang doma rohai dung marsuo dohot inangi, mago sude arsak niroha dohot angan-angan nagohok.

baen nadung manjawek i umak inda pe sompat ami marcaito, isuru umak au manjawek sosumbayang oni so rap mangan kotu. waktu umak mamke talokung sumbayang nia, aupe kehema oban ember ni cet dingding tauk-taukna, bope kolat warna ni aekon lek sah dope nian di pake marwudu' harana memang nasoni do warna ni aek dijamburon, warna hirta. 

jingjingma aekku di ember ni cet on pambasu nipat naron, mardalan ma au sian gadu nisabai sampe tu sopoan, rupana nantulang alak abg al i umar di tonga lupaki dope palalu suanonna, upiohon 

"nantulang..."

"boh... rohamu bere"

"olo nantulang"

"idia langa kakak" mandokon umakku

" di sopoi sumbayang nantulang"

aupe laos turun  ma tu lupak nisabai get tu sopoan get silat ma au untungma utiop bulung nisi sangkil parbalokan nisabai, anggo di sidimpuan silinjuang do goar ni i.

tolap au tu sopoan, sarokaat nai sosiap sumbayang ni umak i, baen na adong hape di tanganku porrohangku marekam umak dompak sumbayang, harana jarang do kadang inda taringot, buse onma tagina pala kehe tusaba, nagokan natarida, pala sumbayang di sabaan najopan roangku maligina i, indape sanga lima menit rekamanki umak pe marsalam ma, baru mando'a tando na giliranku buse doma sumbayang zuhur.

"mamnjawe ko " ning umak

"madung umak" ningku

"sungkot doho roi di sooni" tar pendek dabo memang sopoon

"padiar soni, ngapala batal sumbayang baeni"

"urang ginjang dabo sotik nai"

aupe laos takbirotul ikhram ma au inda be mangalusi komentar niumak tusopo naipature ni ayah on. buse habis naima waktu, sungkot do au memang di sopoon, angkon nateleng ma uluniba sabola kanan, oni pantar naipe mendut-mendut, jadi timpang model niba nasumbayang di sopo sabaon.

purpur niangin mangobus bulung pisang narumpun di topi sopoon mangombuskon marsak niroha, maroban gogo dohot sonang niroha, apalagi au dompak sumbayang marasoi ombus ni angin saba, songon di padang pasir arab doma muda taringot iba filim-filim nai. tai mambaen ngilu patku rukrek suara ni sopoon pala waktu sujud, tapi inda mabiar au madabu baen nabaru dipature tukang nai dopentong. ayah dabo tukang dei, tai imantong lawakna, madung lelng namar sabaon, baru on dope ipature sopona, padahal malewat ma 3 kali manyabi.

salose au sumbayang, ibuat umakma aronduk nia nasangkot di upang sopoon. ikaluarkonnama indahan sorap mangan, baen na roi auntong urang pinggan sada nai, itampul umakma bulung pusang baen pinggan nia, manombo kadak-kadak ni indahan ni umak i do jotjotan, angentong sadana do, sajiama habisnai, kadng hum naiangkipi maia indahan nai mabutongma, taintong ben naro i au hum taboma ning umak ilalna namangani, adong dongan marsiradu.

sonjiamantong baya madung matobang. natgian doma disabaon marmayam, tai laos mangaumkon indahanon au bile doba ulala, samtuama taon-tu taon umakku disaba nialakon, markais lupak nisaba saumur, andigan doma baya sotarpasonang au halai, madung matobang lek nakarejo borat dope. uligi sasilon nai inda u njung ias lolom sajo baen gota nitano sabai, songoni juo ayah lek nak kehe dope mamborong bagas nihalak pala adong namamio.

laos uaumkon inahanon, lek marcarito songoni umak sanga bia balanjo nalai samingguon, marsak nia umak sasapoken ngana adong epeng ditangan niumak, baen syukurna ma lek kehe si irham mangido-ngido sidokah tupoken, mur dalom ma urasoi ate-ateon, malala malantuk pala ubege si irham kehe mangido sidokah baen balanjo nalai. jadi inda song be ulala gunana au kuliah di ranto ni alakon, sugari adong karejo nadonok sian hutaon, ison doma au so asong dongan ni lak ayah dohot umak. anggo alak abng bayo dot bg adi nganatar harop bei, hum keluarga nalai pe manombo namar sali tubagas doma balanjona.

sude serba suntuk urasoi, indadong guna ni ginjang be sikolangku, buse umurkupe matobang, padahal anggo sapangkeku au doma naso kawin dihutaon, imada sada ilakkonon ki gon kampungon, inda ben naso ra au kawin, tai ibo dope roangku di alak ayah dohot umak, mabiar au jadi manyusahkon dihalai. oni anggo dung ibaen jiba nagokan ilakkonon, keluarga niba dohot keluarga ni adaboru niba nasusahan dei manjagona so akur.

tai inda pola upikiri tusi, naupikiri mendinganma uang kuliahki ulehen di alak umak, soadong balanjo nalai, tai ima naudokoni di umak mantak ma au kuliah, sondiamantong ning umak, nganamangarti ia masalah sikolaon sanga bia. cuman lek harop roa nia iba soni jadi sarjana anso dapot karejo nahun sonang. uboto do umak namarsak, gari giotna iba dilambung nia do soadong dongania manajlaki balanjo nalai, bope sikola marpalan-palan, tai anggo nakuliah goarna ngamananda koum epeng sikola.

bahat dope carito ni umak di sopoon dompak mangan sampe mambola pining. bersambung.