SONADONG TANO PARSITIJURAN 2

hum na rara dope si irham, pindah muse ma ning ayah, tai inda be di hutaon, madung borat dirasoi ayah manjalaki balanjo nami di hutaon, ma lima anak. aha mantong na giot jamaon. saba, kobun, dot bagas pusako pe ma dipargadisan. ganop manyogot  matubek-bek ma umak sasadaia laos mangkuhur arambir."onma bo, lasiak sira pe soadong aha ma naget pultakkonon.

ganop manyogot ayah natulopoan dei sikolana bope natambu-tambu aek milas , ipe baen namangilakkon di gut-guti umak dei, akhirna udon, kuali, panci, tataring, soban nasaotik nai, sude pinggan makkuk ceret dapotan obar dibek-beki umak gara-gara nasodong lasika sira.

sondia mantong baenon, marsaba pe ngana mandpot, samatua dipangan nai torui, mulai do mayabur eme ma di gumang kerek, hum na tunas dope same margulma doma garap, pala hum di suan ma dilapat keong, inda pedo masalah aek nisaba, hum mar burir dope na monci buse doma mangkuasoina, atia mamuro amporik silopak saorong. sampe gorsing ningroa natagi ma pala manyabi mangan sonop, aha do baya isi dope so irapui kerek, ingat-ngat mocci sampe marbun-bun ngana habis-habis bala ni i. ma lalu tu huta ijombur manuk busema nagiot ayakon, sangajo rangku taboan eme nami i. haranan tong ma di pagilingkon adong dope mambur-burina tubagas. imada soget ro sajo ilala umak setan i.