CKK [ZAKAT FITRAH

tolu arinai arrayoma, umpe gari baya baju ni daganak na adong ma sonang roa, on ma zakat fitra nasodong dope. pandokon ni gurui di hari nasalpu atia pangajian angkon na ipanganido nawajib di zakatkon, tai baya nabulog sajo do naipangan sasataon, ubama bulong busema zakat fitra niba i, padahal alak si 64 do mar situlak tu masojidtan, songon ibaon idia me dapot 64 bulog pe borat, bia doma roai mangakal konna, harana pandokon ni gurui angkon naikaluarkon de zokat niba, aha mantong gunana puaso niba ponuh sabulanon, tai nga mar zokat, gantung de ning gurui pahalo nai ngasampe ioban malaikat tu hadapan ni tuhan, ubama baya lojana sajo do jibai, sedangkan hum nabaru sorang do pe ning gurui danak nalahir lek wajib ikaluarkon zokatna anggo lahir na dompak so sumbayang arrayo.

tai sondia doma ibaen, tudia doma iba mar sali, naget paias diri niba do dongan angkon lek namanginjam saumur, ngadong beda ila niba ibaen parsuadaanon, gari adong si gurison niba ma adong si daekon, adong gari sapa niba sangkolak adong si sabion, adong gari kobun sapalakpak  adong si calongon. hum lek nalarat songoni sada iba di ginjang tano on, ulang ma naget sangkolak tano, hum parsitijuran niba pe ngadapot.

manyogoti pe na marsalima tu inang niba, ancogot tu tulang niba an doma, pala mar sali dopentong dongan, namanyiksa inang nibai doma iba i, songon anak niuting doma gok nianak niba, marsali tuinangan tai mangan lek tu inang nibai, naso jungada ma sonang inang nibai mualai do sorang iba tu duniaon sakali pe ngajungada tar sudurkon panabusi goreng sacibit pe manyogot. 

adong pe gari si gadison namura do argana, tai manabusi iba na godang arga, ngana malo be langa pemerintah manurunkon argai, so lek maraek doma buriran niba, onma dongan donok ni arrayo, danon nga na sagantang dua gantang naget kaluarkonon, anak niba sambilan satonga, sma dope na godangna. ipe nawajib niba dopei, pala lahir malam takbiranon nasatonganai gonop sappulu anak, ubama dua bolas gantang naget pikirkonon, songon narintik doma iba antong nida alak di lopoan, pupu lek tondo gomak-gomak uluna naso gatal. sogatal pe biasona harani nasomaridi potang dei.

marsak pe pupu marsak ngadong gunana i arsakkon. sondiape sondia angkon lek na i do pikir konon, anggo ngada inang nidaganak maporang ma ibagas. ulang do ro iba gon torui, songon manuk tu jombur doma iba botoh, ia pentong sondiama ibaenia, ngana dong mamio ia tusaba samasoon, biasona sasada lek naro dei, iba pe songoni.

namancit tu mada pananggunganon,angkon namar situlak zokat domada iba sakoum so lek lalu. ro naron uda nai, itulak buse tu tuwak na an, pala gon masojid doma harop konon, tai manombo ngana dapotan iba, nakayoaniba dabo, tar dao buse bagas niba gon masojid, nganida alak, ben naadong do manombo martaringot di iba pambagi nai so lek dapotan iba sagantang, taintong aha dope guna nii, anggo dung torang ari doma di lehen, tuise doma itulakkon, ngapedo ngot babiat di arangan na di pancuran ma alak sude.