MARBALOS PANTUN PUASO
Tok tok tok assalamuaalikum 3X
Ma idia ma luai umak nisi butet on, naso mulak dope nanga monjojori tangga ni donagan...
Minum majolo tarnguas ulala
(Suara pisau dopak-dopak dari dapur)
Ipainte majolo alogo
So tarjombur batu bata
Ancogoton ma agiot puaso
Hum abong ni manuk pe so tarida
Joooo le bagian....
Booh naisi do nanga ho umak nisi butet... iambang naso mulak dope ho gon sopo parkomburanan. Biama langa ijawabko salam ki
Pala dung ijombur batu bata
Potang ari itutup soulang maraek
Aha sajo do langa anggi namangua
Satiop arion ubegeho matulabek
Ngatar baen naso maraek
Bangsana bocor martarup padang
Inda tarbaen naso matubek-bek
Nasodong dope manuk sadari mamegang
Dung salose ita manjombur
Maridima ita tu aek godang
Pamatangta pe sehat ma syukur
Nangkon pola gule manuk sadari mamegang
Pala nga tar koyok manuk, pira nai dabo songoni anggi itapor
Heheeh
(Suasana menjelang buka puasa)
Ningroa homa naa puasona. Mulai gon aek bingke sampe tu janjimatogu. Na ipulung doma sude parbuko
Marlonca sian manyogot santak tu kotu
Manaru sian kotu sampe sore
Ulangko sai matubek-bek tu
Au on namanguas male
Tuekh (meludah)
Ulang bakar na urang hiang
Gabur dei songon kue putu
Diarmada bang sayang
Na uida doho nangkin mangan kotu
Hus,,,,gogo dokon, so ibege jirenon sude batas (manyuna)
Puaso pasada tu papudi
Sambal tuktuk sajo maia parbuko
Ancogot naima arrayo godangi
Naso adong dope baya baju kurayo
Pala dung ngali batu bata i
Igadiskonma tu purba julu
Kenima anggi maridi
Anso keheita tuserba 35ribu
Inda jau monja-monja, butik do giotku
Pala marabu anggi matamu
Tatap tu langit soulang mancit
Pala na ima hagiotmu
Ngapola bia ita keredit
Oih dah,,,,,, hum baju arrayo pe i keredit
Itinggang batu nasangat mancit
Ubatna aek milas purba julu
Nangkon pola sai mangkaridit
Dapot tanggal mancit ulu
Deges madai anggi pala nasongonima nimmu. Pake baju na kulit pining i so keta tu serba35
Mancalong pau itopi sopo
Nataboan diompapkon
Dompak sokehe ita abang sumbayang arrayo
Mangido moof sude kasalahan nasataon
Olontongan baya sakali sataon maia abang nia iba.
Pau naicalong itopi sopo
Ulang ko lupa mamasuna
Abang pe anggi songoni juo
Laos ijinkonma au manjalaki napadua
AB: pala manggadis batu-bata
Mangobanna motor pikap
Pala adong hata na sala
Pajolo ami mangido maap
A: Moof do nantulang
B: Moop do amangboru
A: Turanna moop ma bai
B: Pala soni ita tutup ma
AB. Maroban batu tu gunung tua
Angkon nasampe pukul tolu
Saima pantun nami nadua
Assalamu Alaikum www
Tidak ada komentar:
Posting Komentar